Gemas' Stuff

Bo día a todos/as!! Comparto con vos o  Escape Room  co que traballamos nesta última sesión. Espero que vos resultase interesante! Saúdiño!

Ola a todos/as e benvidos/as a esta nova entrada  Dossier  do Tema 6 sobre Programación Didáctica! O profesor Gonzalo, acompañou esta parte teórica da materia xunto a unha encomenda que resultou bastante interesante. De novo, acercámonos a unha temática importante pero que segue a ser un tanto descoñecida para nós. Ademais, necesitamos familiarizarnos con este tipo de conceptos e a forma en que debemos traballar con eles, sobre todo, de cara a un futuro relacionado coas oposicións . A tarefa consistiu nunha análise/avaliación a través da observación dunha Programación Didáctica. Traballamos por grupos e debíamos escoller unha PD real dun centro concreto. O profesor proporcionounos unha rúbrica, que se emprega na fase de oposición, para poder comprobar o grao de cumprimento da PD. Ás miñas compañeiras e a min pareceunos moi útil e interesante este contacto coa PD e, sobre todo, co proceso de avaliación na oposición. Consideramos que nos axuda a ter unha idea sobre a nosa futura opo

Bo día a todos/as! Hoxe vouvos falar nesta entrada Diario sobre o Tema 6 e o seu contido: a Programación Didáctica. Este foi o último material co que estivemos traballando co profesor Gonzalo na materia de  Linguas Estranxeiras no Contexto Español e Internacional.  Primeiro, gustaríame proporcionarvos un vídeo para que vos permita aclarar o concepto de Programación Didáctica . Que é unha PD? Así logo, comentarei un pouco certos aspectos dos que vimos na aula. Como vimos na última sesión, a respecto das programacións vixentes na ESO e no Bacharelato, non hai establecido un ROC (Regramento Orgánico de Centro), trala publicación da LOMCE, no artigo 20 é onde se fala das programacións, as materias de libre configuración etc. Como xa sabemos, a Programación é o instrumento de planificación curricular básico que debe seguir o profesorado. Por outro lado, os departamentos didácticos dos centros desenvolven o currículo a través desta PD, establecida na organización do centro. No

Bo día a todos/as!! Deixovos a miña presentación sobre  Programas internacionais para o fomento da aprendizaxe/ensinanza dunha lingua estranxeira non propostos pola Unión Europea  para a materia As Linguas Estranxeiras no Contexto Español e Internacional. Espero que vos resulte interesante e de axuda, no caso de que esteades pensando en realizar algún tipo de curso no estranxeiro! Saúdiño!

Bo día a todos/as!! Como proxecto final da materia, deixamos a presentación da mesma para que teñades acceso para calquera consulta que desexades ou necesitedes realizar. Grazas de novo polo voso compromiso!  

Ola a todos/as! Hoxe falareivos, nesta entrada diario, sobre as sesión do 25 de novembro e 09 de decembro, da materia de  Linguas Estranxeiras no Contexto Español e Internacional. Esta parte é a que corresponde   ao   Tema 5 que trata sobre o Deseño Curricular, e que imparte o  profesor Gonzalo Constenla. A respecto dos contidos teóricos desta parte da materia, estivemos traballando con información sobre a ESO, o Bacharelato, a FP, a EOI, os seus respectivos currículos e a súa relación na  LOMCE  (Lei Orgánica para a Mellora da Calidade Educativa) . Por iso, a raíz da repercusión desta Lei na Educación, gustaríame centrar a atención neste ámbito. A continuación, farei unha breve achega persoal sobre a LOMCE e a LOE  (Lei Orgánica de Educación) , esta modificada pola LOMCE. Respecto a LOE, paréceme unha Lei que si valora as necesidades de cada persoa para lograr que a educación se caraterice pola calidade. Non só isto, senón que se está a buscar a igualdade de condicións para

Bo día compañeiros/as! Hoxe gustaríame compartir con vos, nesta entrada Dossier, a experiencia da sesión dos días 25/11 e 09/12. Nesta ocasión, traballamos o  Tema 5: Deseño Curricular , co profesor Gonzalo Constenla. A primeira actividade que fixemos foi unha posta en común dos coñecementos sobre o Currículo na ESO, FP e Bacharelato. O profesor realizou unha serie de preguntas relacionadas con este tema e sobre as que debíamos realizar unha movilización destes aspectos que xa tratamos, de forma breve, na materia de  Deseño Curricular . O máis curioso resultou a forma en que tiñamos que traballar, primeiro en grupos de dúas persoas, despois de catro e seis, e así ata terminar todos na aula facendo as nosas aportacións sobre a materia. Penso que foi moi interesante esta forma de traballar, por unha parte, dinme de conta que necesitaba “refrescar” certos aspectos do currículo. Por outra banda, o feito de comezar con grupos reducidos e ir ampliando, fai que cada un de nós p

Bo día a todos/as! Hoxe gustaríame enfocar o tema da miña entrada cara ao Plurilingüismo, cuestión sobre a que estivemos a falar na última clase. Para comezar debemos aclarar que significa este concepto. O Plurilingüismo ou Multilingüismo está relacionado co feito de que unha persoa ou comunidade sexa capaz de comunicarse en varias linguas. Ao que sempre me preguntei: e quen non quere ser plurilingüe? Como estudante, e futura docente, de linguas penso que é unha riqueza a diversidade de idiomas e linguas existentes en todo o mundo. Por iso, considero que se lle debe dar importancia e valor a este feito xa que pode ser unha boa forma de evitar a desaparición de moitas linguas que están a piques da extinción. Se conseguimos que na sociedade se valorice a coexistencia de máis dunha lingua, contribuiremos á normalización desta situación que, na miña opinión, enriquece a unha cultura. Supoño que vos estaredes preguntando se estou a falar do caso do galego e, en parte

Bo día a todos/as! Con este novo tema gustaríame compartir con vos a miña experiencia e opinión a respecto deste  coñecemento declarativo  que vimos na aula. Considero que, como futuros docentes de linguas estranxeiras, debemos concederlle importancia tamén ao coñecemento empírico e non só ao académico. Ensinar un idioma non só consiste en explicar regras gramaticais, senón tamén o contexto sociocultural no que se desenvolve o idioma en cuestión. Ao longo da vida, estamos expostos a moito tipo de información e máis agora grazas ás TICs. O que resulta fundamental é saber diferenciar o que é unha realidade, unha verdade a medias ou directamente o que non é certo. Ás veces, resulta complicado distinguir este tipo de información e mesmo ser conscientes de se resultan ser, como diriamos agora,  fake news.  A este respecto, como futuros docentes, debemos saber como tratar certas informacións ou como desmentir ideas ou referencias, sobre distintas culturas, que se convertiron en estereot

Ola compañeiros/as! Hoxe gustaríame tratar o tema do MERCL, que xa ben coñecedes todos/as, relacionándoo coa miña propia experiencia a través da EOI (Escola Oficial de Idiomas). Como xa sabedes, O MERCL é unha ferramenta moi útil para as persoas que traballamos coas linguas. Na miña opinión, é fundamental poder contar cuns criterios de aprendizaxe e avaliación que nos permitan coñecer o noso nivel, e grazas a estos mellorar nos aspectos que percibimos que son nos que temos máis carencias. Mediante a detección destas “fallas” nalgunha área concreta poderemos escoller a mellor estratexia para traballar o que máis necesitemos. Respecto a EOI (de Vigo) son alumna desta escola de idiomas desde hai sete anos. Cando me matriculei por primeira vez en inglés, fíxeno porque sempre foi unha lingua que me encantou. Malia poder acceder ao nivel B2 co título do Bacharelato, decidín comezar desde o nivel A1, é dicir desde o comezo, porque sentía a necesidade de facer un bo repaso do idioma

Benvidos/as á miña primeira entrada da materia  As linguas estranxeiras no Contexto Español e Internacional . Hoxe tratarei o tema da educación e a ensinanza das linguas, xa que, creo con firmeza no poder da educación e na aprendizaxe de linguas, por iso considero que debemos outorgar a estes aspectos a importancia que merecen. Comezarei polo aspecto das distintas Leis que foron cambiando o sistema educativo a través do tempo en España. Desde o ano 1970, cando se aprobou a LGE ( Ley General de Educación ), primeira lei que introduciu o idioma moderno nunha etapa obrigatoria da educación, ata o ano 2013, momento en que se aprobou a LOMCE ( Ley Orgánica para la Mejora de la Calidad Educativa ), o noso sistema educativo experimentou seis cambios de lei. Estes cambios provocan, en certo modo, unha inestabilidade na nosa educación, e están intimamente ligados á política e ao goberno en cuestión que está a dirixir o país. Isto é algo que carece de sentido se valoramos o proc

Bo día mozos e mozas! Como repaso ao noso último tema Thanksgiving Day, deixovos o enlace para que o poidades refrescar un pouco de forma máis amena. No caso de ter algún problema co enlace, atoparedes o QR correspondente a esta actividade no apartado de Materiais para actividades. Vémonos nas aulas!

Bo día a todos/as! A través da seguinte liña de tempo poderedes comprobar que é o que traballaremos en cada sesión para levar a cabo o noso proxecto. Ánimo coas seguintes sesións!

Traballamos coa creatividade! Bo día alumnos e alumnas! A última actividade do noso proxecto está relacionada coas dúas primeiras e por iso servirán para que desenvolvades esta terceira. Mediante o traballo previo coas cancións e os filmes, relacionados coa temática da educación, espero que ampliarades tanto o voso vocabulario en inglés coma o voso coñecemento sobre distintas situacións da vida académica, e que tamén puiderades reflexionar sobre algúns aspectos. O que debedes realizar para a próxima sesión é un mapa conceptual coa axuda da ferramenta Cmap Tools, que poderedes descargar de forma gratuita a través deste enlace . No apartado de Materiais para actividades atoparedes tres exemplos de posíbeis estruturas para a realización deste mapa. O mapa conceptual debe servirvos como estratexia para relacionar os diferentes conceptos que consideredes máis salientábeis das actividades anteriores.  Na próxima aula realizaremos entre todos/as diferentes murais que reflictan as ideas pl

Traballamos cos filmes! Bo día a todos/as! A nosa seguinte actividade consistirá en visualizar un filme para logo realizar unha breve exposición sobre o seu argumento e a vosa opinión a respecto deste. Poderedes escoller entre dúas opcións:  Dangerous Minds ou The Breakfast Club . Cando vaiades expor, podedes apoiarvos nalgún programa de presentacións como Power Point .

Traballamos coa música! Bo día rapaces e rapazas! A primeira actividade para a realización deste proxecto consistirá na tradución/subtitulado dunha canción en inglés. Primeiro debedes traballar na casa coa letra enchendo os ocos baleiros nos documentos PDF que atoparedes no bloque de materiais para as actividades. Anotade calquera dúbida que teñades para resolver na aula xa que logo traballaremos co programa de subtitulado Subtitle Works . Tedes dúas opcións coas que podedes traballar, escollede a que máis vos guste!

Benvidos/as ao meu Blog: Gemas' Stuff! Neste vídeo tedes unha breve presentación acerca de min. Espero que as futuras publicacións sexan do voso agrado! Un saúdo!